ભારતની પહેલી એન્જીન વગરની ટ્રેનનો ટ્રાયલ કરવામાં આવ્યો


દેશની પ્રથમ ‘એન્જિન-ફ્રી’ ટ્રેન ટી -18 તૈયાર છે. સોમવારે રેલવે બોર્ડના ચેરમેને આ ટ્રેન T 18 ને ટ્રાયલ માટે ગ્રીન ફ્લેગ આપી શરુઆત કરાવી હતી.
IMG_20181030_141027ટી -18 ટ્રેન ‘સેલ્ફ પ્રોપલ્શન મોડ્યુલ’ પર 160 કિ.મી. પ્રતિ કિ.મી.ની ઝડપે ચાલી શકે છે. શતાબ્દી એક્સપ્રેસની સ્પીડ 130 કિલોમીટર પ્રતિ કલાક છે, જ્યારે ટી -18 ટ્રેન 160 કિલોમીટર પ્રતિ કલાકની સ્પીડે દોડી શકે તેમ છે. ભારતીય રેલ્વેની 30 વર્ષીય જુની શતાબ્દી એક્સપ્રેસનું સ્થાન ‘ટ્રેન 18’ લે શે. આ 16-કોચવાળી ટ્રેન શતાબ્દી ટ્રેન કરતા ઓછો સમય લેશે.
IMG_20181030_141037વર્ષ 2018 માં બનવાના કારણે આ ટ્રેનનું નામ ટી -18 આપવામાં આવ્યું છે. આ ટ્રેન 18 મહીનામાં બનાવવામાં આવી છે. આ ટ્રેન લગભગ 100 કરોડના ખર્ચે ચેન્નઈની ઇન્ટિગ્રલ કોચ ફેક્ટરીમાં બનાવવામાં આવી છે.
બુલેટ ટ્રેનના મોડેલ પર તૈયાર કરવામાં આવેલી આ ટ્રેન સંપુર્ણપણે ભારતીય છે. આ ટ્રેનમાં વાઇ-ફાઇ મોડ, વેક્યુમ શૌચાલય, ઓન બોર્ડ ઇન્ફરમેશન સિસ્ટમ, સ્લાઇડીંગ ડોર હશે. સીસીટીવી કેમેરા સાથે ફીટ સ્વ-સંચાલિત ટ્રેનમાં બે એક્ઝિક્યુટિવ કોચ હશે. બે એક્ઝિક્યુટિવ કોચમાં દરેકમાં 52 સીટ હશે, જયારે અન્ય કોચમાં દરેક 87 બેઠકો હશે. ટ્રેનના કોચની બોડી સ્ટેનલેસ સ્ટીલની બનાવવામાં આવી છે.

IMG_20181030_141042

Advertisements

કોલ્હાપુરમાં પટ્ટનકોડોલી ગામે 50 ટન હળદર એકબીજા પર ઉડાડી હલ્દી ઉત્સવ મનાવાયો


રવિવારે કોલ્હાપુર જીલ્લાના હટકંગલે તાલુકાના પટ્ટનકોડોલી ગામે વિઠ્ઠલ બિરદેવ મંદિર લગભગ 50 ટન હળદર એકબીજા પર ઉડાડી હલ્દી તહેવાર મનાવવામાં આવ્યો.
bhopal_281018_haldi_festiદર વર્ષે ઑક્ટોબરમાં 27 ઑક્ટોબરથી 30 ઓક્ટોબર સુધી આ મેળો યોજાય છે. શ્રી વિઠ્ઠલ બિરદેવ મહારાજની જન્મ જયંતિની ઉજવણી કરવામાં આવે છે. જેને ભગવાન વિષ્ણુનો પુનર્જન્મ માનવામાં આવે છે.
બિરદેવ મહારાષ્ટ્ર, કર્ણાટક, ગોવા અને આંધ્રપ્રદેશના શેફર્ડ કોમ્યુનિટીના પારિવારિક દેવ છે.સોલાપુર જીલ્લામાં અંજુંગો ગામના શ્રી કેલોબા રાજાબાઉ વાઘમોડ, જેઓને ભક્તો ‘બાબા’ તરીકે ઓળખે છે. દર વર્ષે આ બાબા તેમના ગામથી 17 દિવસ ચાલીને આ હલ્દી ઉત્સવ માટે પટ્ટનકોડોલી ગામે પહોંચે છે.તેઓ ભગવાન સંદેશવાહક તરીકે માનવામાં આવે છે. ત્યાં ડ્રમ અને પરંપરાગત સંગીત સાથે ભકતો બાબાનું સ્વાગત કરે છે. સ્વાગત માટે મંદિરમાં મોટી છત્રી લાવવામાં આવે છે. બાબા કન્નડમાં ખેતી, વરસાદ અને ભાવિ પરિસ્થિતિઓ વિશેની તેમની આગાહી કરે છે, જેનો અનુવાદ પુજારી કરે છે.

દિવાળી માટે ઓછા પ્રદૂષણ અને ઓછા ઘોંઘાટવાળા ગ્રીન ફટાકડા વૈજ્ઞાનિકો દ્વારા વિકસાવવામાં આવ્યા


દિવાળી પર સુપ્રીમ કોર્ટ દ્વારા ઓછા પ્રદૂષણ અને ઓછા ઘોંઘાટવાળા ક્રેકર્સ રાતે 8 થી 10 વાગ્યા સુધી ફોડવાની વાત કરી છે. આવનાર દિવસોમાં વૈજ્ઞાનિકો દ્વારા રીસર્ચ કરેલા ગ્રીન ફટાકડા બજારમાં મળતા થઇ જવાથી આ સમસ્યાનું નિરાકરણ થઇ જશે.
IMG_20181030_085015ગ્રીન ફટાકડા દેખાવ અને અવાજમાં પરંપરાગત ફટાકડા જેવા જ હશે પરંતુ ઓછા અવાજવાળા અને પ્રદુષણવાળા હશે.રાષ્ટ્રીય પર્યાવરણ એન્જીનિયરિંગ સંશોધન સંસ્થા (નીરી). નીરી એક સરકારી સંસ્થા છે જે વૈજ્ઞાનિક અને ઔદ્યોગિક સંસ્થાન પરિષદ (સીએસઆઈઆર) અંડર કાર્યરત છે. નીરીના ચીફ સાયન્ટિસ્ટના કહેવા મુજબ ગ્રીન ફટાકડાંમાંથી નીકળનાર હાનિકારક ગેસ પરંપરાગત ફટાકડાં કરતાં 40 થી 50 ટકા સુધી ઓછો નીકળશે.
IMG_20181030_084941નીરીએ આ ગ્રીન ફટાકડાં માટે STAR (સેફ થર્માઇટ ક્રેકર) ફટાકડા નામ આપવામાં આવ્યું છે. ઓછા એલ્યુમિનિયમ ઉપયોગવાળા ફટાકડાંનું નામ SAFAL (સેફ મિનિમલ એલ્યુમિનિયમ) નામ આપ્યું છે. અન્ય એક ફટાકડાં ની બ્રાંડનું નામ SWAS(સેફ વોટર રીલીઝર) રાખવામાં આવ્યું છે.
ઔદ્યોગિક સંશોધન પરિષદના વૈજ્ઞાનિકો દ્વારા વિકસિત નવા ફટાકડા, પરંપરાગત ફટાકડા કરતાં 30 ટકા ઓછા પ્રદૂષિત હશે અને 50 ટકા ઓછું સલ્ફર ડાયોક્સાઇડ હશે.
વૈજ્ઞાનિકો છેલ્લા 10 મહિનામાં આ ગ્રીન ફટાકડા પર કામ કરી રહ્યા હતાં અને તેના સંશોધન પાછળ લગભગ રૂ. 65 લાખનો ખર્ચ થવા પામ્યો છે. પેટ્રોલિયમ અને વિસ્ફોટક સુરક્ષા સંગઠન (પીઇએસઓ) ની મંજૂર પછી આવનાર દિવસોમાં આ ગ્રીન ફટાકડાં બજારમાં આવી જશે.

વધુ જાણકારી માટે કલિક કરો

ભારતના 10 વર્ષના છોકરાએ જીત્યો વર્લ્ડ બેસ્ટ વાલ્ડલાઇફ ફોટોગ્રાફર 2018 એવોર્ડ


ભારતના 10 વર્ષના અર્શદીપ સિંહ નામના છોકરાએ વર્લ્ડ બેસ્ટ વાલ્ડલાઇફ ફોટોગ્રાફર 2018 એવોર્ડ જીત્યો છે.
FB_IMG_1540697255002નેચરલ હિસ્ટ્રી મ્યુઝિયમ દ્વારા યોજાયેલી વાર્ષિક સ્પર્ધામાં વર્ષ 2018 ના વર્લ્ડ વાઇડલાઇફ ફોટોગ્રાફર અંડર 11 નો અવોર્ડ અર્શદીપ સિંહ ને મળ્યો છે. અર્શદીપ સિંહ ના ફોટોગ્રાફ 1 વર્ષ માટે 60 દેશોમાં કુદરતી નેચરલ હિસ્ટ્રી મ્યુઝિયમના પ્રદર્શનમાં બતાવવામાં આવશે.
FB_IMG_1540697317721અર્શદીપે છ વર્ષની ઉંમરે ફોટોગ્રાફ્સ ક્લિક કરવાનું શરૂ કર્યું હતું. તે ઘણીવાર તેના પિતા સાથે વિવિધ રાષ્ટ્રીય અને આંતરરાષ્ટ્રીય સ્થળોએ વાઇડલાઇફ ફોટોગ્રાફી કરવા જતો હતો. અર્શદીપ તેના પિતા રણદીપ સિંહ દ્વારા પ્રેરિત છે. તેના પિતા પણ એક જાણીતા વાઇડલાઇફ ફોટોગ્રાફર છે.

ભારતની સૌથી પહેલી ઇ કાર નું થાણેમાં થયું રજીસ્ટ્રેશન


ભારતની સૌથી પહેલી ઇ કાર નું થાણેના અવિનાશ નિમોનકરના નામે લીલા રંગની નંબર પ્લેટ સાથે રજીસ્ટ્રેશન થયું છે.
nimonkar1અવિનાશ નિમોનકરે દશેરાના દિવસે ઇ કાર ઇ-વેરિટો ખરીદી હતી. ઇ-વેરિટો ચાર્જીંગ પછી આશરે 150 કિલોમીટર ચાલે છે અને ચાર્જીંગનો કુલ ખર્ચ રૂ. 49 થાય છે. કાર ચાર્જીંગ કરવા માટે ડીસી ચાર્જિંગ સ્ટેશનમાં લગભગ 45 મિનિટ લાગે છે. મહારાષ્ટ્ર સરકાર ઇ કારોના ચાર્જિંગ માટે ચાર્જિંગ સેન્ટર સ્થાપી રહી છે.
images_1540196222300_green_plates_for_electric_cars1મહિન્દ્રા ઇલેક્ટ્રિક સેડાન ઇ-વેરિટો ત્રણ મોડલમાં ડી 2, ડી 4 અને ડી 6 ઉપલબ્ધ છે. જેની કિંમત રૂ. 9 .5 લાખથી 10 લાખ સુધીની છે.
અવિનાશ નિમોનકરને ઇ-વેરિટો કાર પર રોડ ટેક્સ અને રજિસ્ટ્રેશન ફીમાંથી છૂટ આપવામાં આવી છે. તેમને રૂ. 1.38 લાખની ફેમ સબસિડી ઉપરાંત મહારાષ્ટ્ર સરકાર પાસેથી રૂ. 1 લાખની વધારાની સબસિડી મળી છે.