એક નગર હતું , જેમાં તમામ જાતિ – સમુદાયના લોકો ખૂબ સંપ અને હેતથી રહેતા હતા . સૌ એકબીજાના ધર્મ પ્રત્યે ભારે આદરભાવ ધરાવતા હતા . એક દિવસની આ વાત છે . ચર્ચમાં પાદરીએ જોયું કે એક નાનું બાળક ઇસામસીહની પ્રતિમા સામે હાથ જોડીને કંઇક ગણગણી રહ્યું હતું . પાદરીને બાળકના હાવભાવ જોઈને ખૂબ નવાઈ લાગી . પાદરીના મનમાં અનેક સવાલો દોડવા લાગ્યા . તેઓ ધીરેથી બાળકની પાસે જઈને ચૂપચાપ ઘૂંટણે પડી બેસી ગયા . બાળકે થોડીક વારમાં આંખો ખોલી . પાદરીએ હેતથી પૂછ્યું , બેટા તે ઇસામસીહને કઈ પ્રાર્થના ભેટ ધરી ?

બાળકે પોતાની કાલીઘેલી ભાષામાં કહ્યું , મને કોઈ પ્રાર્થના નથી આવડતી ! આ સાંભળી પાદરીને વધારે જિજ્ઞાસા થઇ . તેમણે બાળકને ફરીથી પૂછ્યું , બેટા તો પછી તું હાથ જોડીને ઇસામસીહને શું કહેતો હતો ? બાળકે કહ્યું , હું તો ઇસામસીહ સમક્ષ બારાક્ષરી બોલતો હતો . પાદરીએ પૂછ્યું , બેટા બારાક્ષરી શા માટે ? બાળકે જવાબમાં કહ્યું , હવે ઇસામસીહને જે પ્રાર્થના ગમશે તે આ બારાક્ષરીમાંથી બનાવી લેશે .

બાળકની આ વાત સાંભળી પાદરી ગદગદ થઇ ગયા . તેઓ સ્વત્: બોલી ઉઠ્યા , મારી આટલાં વર્ષોથી ઇસામસીહને કરેલી તમામ પ્રાર્થનાઓ આગળ આ બાળકની બારાક્ષરી ઇસામસીહે પ્રથમ સ્વીકારી હશે .

જેમ દરેક લાકડામાં છૂપો અગ્નિ હોય છે , પણ તેને પ્રજ્વલિત કરવો પડે છે તેમ દરેક બાળકના મનમાં પણ અખૂટ જ્ઞાન પડેલું છે . આ બાળકોની સર્જનશીલતા અને જીજ્ઞાસાને એક દિશા આપવાની જરૂર હોય છે .બાળકોમાં રહેલી છૂપી સૂઝને પારખી પ્રોત્સાહન આપવાની જરૂર છે .

વાર્તા સંકલન ~~ અમૃતભાઈ અગ્રાવત , લોકસરવાણી

ગુજરાતી બ્લોગપીડિયા લોગો તમારા બ્લોગ પર મૂકવા ક્લિક કરો

Advertisements

5 thoughts on “બાળકની બારાક્ષરી ! – બોધકથા

  1. રુપેનભાઈ, મારા સેકંડ લાસ્ટ બ્લોગપોસ્ટમાં ‘તમને શું થવું ગમે’ સંદર્ભમાં ‘બાળક’ બનવાની વાત કરી હતી…તમને યાદ છે?

    બાળપણું ગુમાવ્યા વગર બાળક બનીને કોઈ પણ મોટા કામ કરી શકાય એનું આ પણ એક મસ્ત મજાનું ઉદાહરણ છે. ગૂડ ગોઈંગ બ્રો!

  2. સરસ કથા રૂપેન્ભાઈ,
    બાળક એ નીખાલાસતાનું પ્રતિક છે. ક્યાંક સાંભળ્યું હતું કે તમે ખરેખર ત્યાં સુધી જ જીવો છો જ્યાં સુધી તમારી અંદર એક બાળક જીવે છે.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s