ચંદ્રશેખર આઝાદ

ચંદ્રશેખર આઝાદનો જન્મ ૨૩ ,જુલાઈ  ૧૯૦૬નાં રોજ મધ્ય પ્રદેશ નાં જામ્બુઆ જિલ્લાનાં ભારવા ગામે થયેલો. તેઓ ભારત નાં એક અતી મહત્વનાં ક્રાંતિકારી હતા, તેઓને ભગતસિંહ નાં માર્ગદર્શક માનવામાં આવતા હતા. તેમનું આખું નામ ‘ચંદ્રશેખર સિતારામ તિવારી’ હતું.તેઓનું અવસાન ફેબ્રુઆરી ૨૭,  ૧૯૩૧ નાં રોજ ઉત્તરપ્રદેશ નાં અલ્હાબાદ  ખાતે થયેલું.

૧૯૨૧માં અસહકાર આંદોલન દરમ્યાન મુકદમો ચલાવતા જજે પૂછ્યું નામ જવાબ આઝાદ, પિતાનું નામ જવાબ સ્વાધીનતા ,ઘર જવાબ જેલ ત્યારે જજે તેમને ૧૫ કોરડા મારવાની સજા આપી દરેક કોરડા વખતે મહાત્મા ગાંધીની જય બોલાવી ત્યારથી જ તેમનું નામ ચંદ્રશેખર આઝાદ પડ્યું.

વૃક્ષની કિંમત અમૂલ્ય

સામાન્‍ય સંજોગોમાં આપણે વૃક્ષની કિંમત તેનાં ફળ-ફૂલ કે તેમાંથી મળતાં લાકડાં પરથી આંકીએ છીએ. પરંતુ વૈજ્ઞાનિકોની દષ્ટિએ વૃક્ષનું મૂલ્‍ય માનવજીવન માટે ઊંચુ છે.
પચાસ વર્ષ જૂના એક વૃક્ષની કિંમત વૈજ્ઞાનિક દષ્ટિએ જોતાં પંદરથી સોળ લાખ રૂપિ‍યા જેટલી થતી હોય છે. આ પચાસ વર્ષના સમયગાળા દરમિયાન એક વૃક્ષે પૂરા પાડેલા પ્રાણવાયુની કિંમત રૂપિ‍યા અઢી લાખ જેટલી થવા જાય છે. એક વૃક્ષ હવામાંનો કાર્બન ડાયૉકસાઇડ શોષી હવાના પ્રદૂષણનું નિયમન કરે છે. તેનાથી પાંચ લાખ રૂપિ‍યાનો બચાવ થાય છે.વૃક્ષ જે પ્રોટીન પૂરું પાડે છે તેની કિંમત વીસ હજાર રૂપિ‍યા જેટલી થવા જાય છે.જમીનનું ધોવાણ અટકાવવા ઉપરાંત તેની ફળદ્રુપતા જાળવવાના અઢી લાખ રૂપિ‍યા અને વાતાવરણમાં રહેલા ભેજ તથા જળનિયમનના ત્રણ લાખની સાથે પશુ-પક્ષીઓ માટે છાંયો, આશ્રયસ્‍થાન વગેરેના અઢી લાખ રૂપિ‍યા બચાવે છે.આ હિસાબે પચાસ વર્ષ જૂના એક વૃક્ષની કિંમત તેનાં ફળ-ફૂલ કે લાકડાં સિવાયની ગણતાં પંદરથી સોળ લાખ જેટલી થવા જાય છે.

વિચારો આપણી આસપાસ આટલી મૂલ્યવાન ચીજ નુ આપણને ધ્યાન નથી તો આજેજ સંકલ્પ લઇ કે આ હોળી દહનમાં બને તેટલા ઓછા વૃક્ષોનો ઉપયોગ કરીશું.

પં .શ્રીરામ શર્મા આચાર્ય ,વૃક્ષ આપણો જીવનપ્રાણ

સ્ત્રોત } http://www.gurjari.net/details/value-of-tree.html

વૃક્ષ બચાવો ,મહાભારત

કીર્તિક્ષ્વ માનુષે લોકે પ્રેત્ય ચૈવ શુભમ ફલમ્  ।

લભ્યતે નાકપૃષ્ઠે ચ પિતૃ ભિસ્ચ મહિપતે   ॥

દેવલોક ગતસ્યાપિ  નામ તસ્ય ન નશ્યતિ ।

અતીતાનાગતક્ષ્વેવ  પિતૃવંશાક્ષ્વ  ભારત ।

તારયેત્ વૃક્ષરોપીતુ  તસ્માદ્ વૃક્ષાન્ પ્રરોપયેત્ ॥

મહાભારત

ભરતનંદન ! વૃક્ષ ઉગાડવાથી મનુષ્યલોકમાં કીર્તિ ટકી રહે છે અને મૃત્યુ પછી સ્વર્ગલોકમાં શુભ ફળની પ્રાપ્તિ થાય છે. વૃક્ષ ઉગાડનારા માણસો પિતૃઓ ધ્વારા પણ સન્માન પામે છે. દેવલોકમાં જવા છતાં પણ તેમના નામના નાશ થતો નથી. તે આપણા ભૂતકાળના પૂર્વજો અને ભવિષ્યનાં સંતાનોને પણ તારી દે છે.માટે વૃક્ષો અવશ્ય ઉગાડવાં જોઈએ.

ક્ષ્વે

હોળી નાં દિવસે વૃક્ષ બચાવો

હોળીના દિવસે કેટકેટલાય વૃક્ષો કપાય છે જો તેમાંથી થોડા વૃક્ષો બચાવીએ  તો મોટી સમાજસેવા થાય. આ માટે આપણે ચાર પાંચ ગામ કે સોસાયટી ,મહોલ્લા કે શેરી વચ્ચે ભેગાં થઈને હોળી પ્રગટાઈએ તો થોડા વૃક્ષો બચાવી શકીએ .જેટલાં વૃક્ષો આપણે કાપીએ છીએ તેટલા પ્રમાણમાં નવા વૃક્ષો વાવીને આવનાર પેઢી માટે પર્યાવરણની સમતુલા જાળવવામાં મદદ કરી શકીએ.

માનવજીવન સામે હાલમાં સૌથી મોટો તોળાતો ખતરો પ્રદૂષણનો છે. કોપનહેગનમાં મળેલી મહાનુભવો પણ તેનો ઉકેલ શોધી શકયા નથી. આપણા જીવનમાં વૃક્ષોનું મોટું યોગદાન છે, જે હાલની પેઢી સમજી શકતી નથી. જો વૃક્ષોને બચાવવામાં આવે તો માનવજીવન ટકાવવાનો એક તક મળી શકે છે.જીવનમાં હવા અને પાણી જેવા અગત્‍યના પરીબળો છે. આ પરીબળની સમતુલા જાળવવામાં  વૃક્ષ ઉછેર જ વધુ સારો ઉપાય છે. કુટુંબના પ્રત્‍યેક વ્‍યક્તિએ પોતાના જન્‍મ દિવસે એક વૃક્ષ ઉછેરવું જોઇએ. વૃક્ષ ઉછેરથી જમીનનુ ધોવાણ અટકાવી શકાય છે.

વિષ્ણુ પુરાણમાં ઉલેખ્ખ છે કે ફળફૂલ આપનાર વૃક્ષનો જ્યાં નાશ થાય છે ત્યાં અનાવૃષ્ટિ ,અતિવૃષ્ટિ અને દુકાળ જેવા સંકટો ઉભા થાય છે.અગ્નિપુરાણમાં વૃક્ષોનો મહિમા કહેવાયુ છે કે વૃક્ષો જેવું ઉપકારક બીજું કશું નથી , જે માગ્યાવગર કોઈ ભેદભાવ વગર અને બદલાની ભાવના વગર ફૂલ ,ફળ ,મૂળ ,શીતલ છાયડાથી બધા પ્રાણીઓ પર ઉપકાર કરતાં રહે છે.

મત્સ્ય પુરાણમાં એક કથા  આવે છે જે મુજબ દસ કૂવાઓના  નિર્માણનું  પુણ્ય એક તળાવના નિર્માણ બરાબર તથા દસ તળાવોનું નિર્માણ એક સદગુણ પુત્રના નિર્માણ બરાબર તથા દસ  સદગુણી પુત્રો જેટલું પુણ્ય એક વૃક્ષને ઉછેરવામાં માન્યું છે.

સી. વી. રામન

જ્ન્મ~ ૭ નવેમ્બર ૧૮૮૮ ,મૃત્યુ ~ ૨૧ નવેમ્બર ૧૯૭૦

ભારત રત્ન સર ચંન્દ્રશેખર વેંકટ રામન એક મહાન ભૌતિક વિજ્ઞાની હતા. સર સી. વી. રામનનો જન્મ તિરુચિરપલ્લી, તમિલનાડુ  ખાતે હિંદુ ,બ્રામણ પરિવારમાં થયો હતો. એમની માતૃભાષા તામિલ  છે.તેઓના પિતાજી ગણિત તથા ભૌતિકશાસ્ત્રના વ્યાખ્યાતા હોવાને કારણે રામનજીને ભણવાનું યોગ્ય વાતાવરણ ઘરમાં જ મળી ગયું હતું.

રામનજી  પ્રેસિડન્સી કોલેજ , ચેન્નાઈ  ખાતે ઇ. સ. ૧૯૦૨ના વર્ષમાં દાખલ થયા, અને ઇ. સ. ૧૯૦૪ના વર્ષમાં એમણે બી.એસ.સી ની પદવી મેળવી. જેમાં એમણે પ્રથમ સ્થાને રહી સુવર્ણચંદ્રક પણ જીત્યો હતો. ઇ. સ. ૧૯૦૭ના વર્ષમાં એમણે એમ.એસ.સી ની પદવી અવ્વલ સ્થાને રહી ૭૦%થી વધુ ટકા સાથે મેળવી હતી. ત્યારબાદ એમણે આસિસ્ટન્ટ એકાઉન્ટન્ટ જનરલ તરીકે ઇન્ડીયન ફાયનાન્સ ડિપાર્ટમેન્ટમાં કોલકત્તા ખાતે પોતાની કારકિર્દીની શરૂઆત કરી.
આજે છે ૨૮મી ફેબ્રુઆરી.આજે છે રાષ્ટ્રીય વિજ્ઞાન દિવસ.ભારતના વૈજ્ઞાનિક શ્રી ડૉ.ચંદ્રશેખર વેંકટરામને ઈ.સ.૧૯૨૮માં આજના દિવસે પ્રકાશના પરાવર્તનની વિસ્મયકારક ઘટના નિહાળી.વિજ્ઞાનજગતમાં આ ઘટનાનો પ્રભાવ એટલો બધો પડ્યો કે સમગ્ર એશિયામાંથી ભૌતિકશાસ્ત્રમાં નોબલ પારિતોષિક સૌ પ્રથમ તેમને એનાયત થયું હતું. વિજ્ઞાનની આ સુવર્ણ ઘડીને બિરદાવતાં ૨૮મી ફેબ્રુઆરી “રાષ્ટ્રીય વિજ્ઞાન દિવસ” તરીકે ઉજવાય છે.૨૮મી ફેબ્રુઆરીએ ડૉ.રામને તેમની નોબેલ પ્રાઈઝ મેળવનારી શોધ ‘રામન ઇફેકટ’નો આવિષ્કાર કર્યોહતો. પ્રકાશના કિરણો કઈ રીતે કામ કરે છે, તે વિશે તેમણે ઉંડું સંશોધન કર્યુ હતું, જે પાછળથી ભૌતિક વિજ્ઞાન જગતમાં ‘રામન ઇફેકટ’ તરીકે ઓળખવામાં આવે છે.

સ્ત્રોત } http://gu.wikipedia.org/wiki/%E0%AA%B8%E0%AB%80._%E0%AA%B5%E0%AB%80._…